തിരുവനന്തപുരം : തലസ്ഥാനത്ത് പ്രധാനമന്ത്രി നരേന്ദ്ര മോദി പങ്കെടുത്ത തെരഞ്ഞെടുപ്പ് പ്രചാരണ പരിപാടി നടന്ന സെന്‍ട്രല്‍ സ്റ്റേഡിയത്തില്‍ സുരക്ഷാവീഴ്ച്ച. സ്ഥലത്ത് സുരക്ഷാ ചുമതലയിലുണ്ടായിരുന്ന പൊലിസുകാരന്റെ തോക്കില്‍ നിന്ന് വെടിപൊട്ടി. പ്രധാനമന്ത്രി എത്തുന്നതിന് മുന്‍പ് ഇന്നലെ വൈകിട്ട് അഞ്ചുമണിയോടെ പ്രധാനവേദിക്ക് പുറകിലായുള്ള ശുചിമുറിയിലായിരുന്നു.കൊല്ലം എ.ആര്‍ ക്യാംപിലെ പൊലിസുകാരന്റെ തോക്കില്‍ നിന്നാണ് വെടിപൊട്ടിയത്. തോക്ക് കൈമാറുന്നതിനിടെ അബദ്ധത്തില്‍ വെടിപൊട്ടുകയായിരുന്നുവെന്നാണ് സുരക്ഷാ ഉദ്യോഗസ്ഥര്‍ നല്‍കുന്ന വിവരം. തോക്ക് പ്രധാനമന്ത്രിയുടെ സുരക്ഷാ ഉദ്യോഗസ്ഥര്‍ കസ്റ്റഡിയിലെടുത്തിട്ടുണ്ട്.