പടിഞ്ഞാറങ്ങാടി: മഹല്ലുകളുടേയും, മഹല്ല് നിവാസികളുടേയും മത, ഭൗതിക, സാമൂഹിക, സാംസ്‌കാരിക രംഗങ്ങളില്‍ പുരോഗമനാത്മകമായ മുന്നേറ്റം കൈവരിക്കുന്നതിന്നാവശ്യമായ കര്‍മപദ്ധതികള്‍ ആവിഷ്‌കരിക്കുന്നതിന്നും, അവ മഹല്ലുകളില്‍ പ്രാവര്‍ത്തികമാക്കുന്നതിനുള്ള മാര്‍ഗനിര്‍ദേശങ്ങള്‍ സ്വരൂപിക്കുന്നതിനുമായി നടത്തപ്പെടുന്ന മഹല്ല് ശാക്തീകരണ സംഗമം മെയ് മൂന്ന് ബുധന്‍ രാവിലെ 9.30 ന്ന് കുമ്പിടി ഇസ്സത്തുല്‍ ഇസ്‌ലാം മദ്‌റസയില്‍ നടക്കും.
ആനക്കര പഞ്ചായത്തിലെ ജുമുഅത്ത് പള്ളി, നിസ്‌കാര പള്ളി, മദ്‌റസ കമ്മിറ്റി മെമ്പര്‍മാര്‍, ഖത്വീബ്, ഇമാം, അധ്യാപകര്‍, എസ്, വൈ, എസ്, എസ്.കെ.എസ്.എസ്.എഫ് ശാഖാ-പഞ്ചായത്ത് പ്രതിനിധി കള്‍ സംഗമത്തില്‍ പങ്കെടുക്കും.
ഹംസ റഹ്മാനി കൊണ്ടിപ്പറമ്പ് വിഷയാവതരണം നടത്തും.
എസ്.എം.എഫ് ആനക്കര പഞ്ചായത്ത് പ്രസിഡന്റ് മുഹമ്മദലി സഅദി, ജന:സെക്രട്ടറി ഇബ്രാഹീം കുട്ടി മാസ്റ്റര്‍, ട്രഷറര്‍ കെ.പി മുഹമ്മദ് കുട്ടി ഹാജി, കുട്ടി കൂടല്ലൂര്‍ നേതൃത്വം നല്‍കും.