പുലാമന്തോള്‍: പ്രശസ്ത പക്ഷി നിരീക്ഷകനും പരിസ്ഥിതി പ്രവര്‍ത്തകനും കേരളത്തിലെ പക്ഷികള്‍ എന്ന പുസ്തകത്തിന്റെ രചയിതാവുമായ ഇന്ദുചൂഢന്റെ(നീലകണ്ഠന്‍ ) പേരില്‍ പിറന്നാള്‍ മരം ഗ്രൂപ്പ് ഒരുക്കുന്ന പുരസ്‌കാരം (ഒന്നാം സമ്മാനം) പുലാമന്തോള്‍ ചെമ്മലശ്ശേരി സ്വദേശിയായ അവിനാശ് രാജിന്. വേനല്‍ക്കാലത്ത് പക്ഷികള്‍ക്ക് ദാഹജലം നല്‍കാന്‍ മികച്ച രീതിയില്‍ തീര്‍ത്തതിനാലാണ് ആറാം ക്ലാസ് വിദ്യാര്‍ഥിയായ അവിനാശ് രാജ് പുരസ്‌ക്കാരത്തിനര്‍ഹനായത്. 1001 രൂപയും ഫലകവും പ്രശസ്തി പത്രവുമാണ് പുരസ്‌ക്കാരം.
കേരളത്തിലെ പക്ഷികള്‍ എന്ന പുസ്തകവും ഒരു വര്‍ഷത്തെ കൂട് മാസികയും അടങ്ങിയതാണ് പുരസ്‌കാരം. വന്യജീവി ഫോട്ടോഗ്രാഫര്‍ രാജേഷ് മാസ്റ്റര്‍ ചെമ്മലശ്ശേരിയുടെ മകനാണ് അവിനാശ് രാജ്.