മൂന്നാര്‍: തലയാര്‍ തേയില എസ്റ്റേറ്റിലെ ലയങ്ങളില്‍ ഒറ്റയാന്റെ ആക്രമണം. ഷെഡുകളും തൊഴിലാളികളുടെ വാഴക്കൃഷിയും തകര്‍ത്ത ആന ഇന്നലെ പുലര്‍ച്ചെ രണ്ടുമുതല്‍ മൂന്നു മണിക്കൂര്‍ ലയങ്ങളുടെ ഇടവഴികളില്‍ ഭീതി പടര്‍ത്തി നിലയുറപ്പിച്ചു. മെയ്യഴകന്‍ കറുപ്പുസ്വാമിയുടെ ഷെഡ്ഡ് പൂര്‍ണമായും തകര്‍ത്തു. തൊഴിലാളി ലയങ്ങളുടെ സമീപത്ത് തൊഴിലാളികളുടെ വാഴക്കൃഷി വ്യാപകമായി നശിപ്പിച്ചു.  ഒട്ടും സുരക്ഷിതമല്ലാത്ത ലയങ്ങളില്‍ പുലര്‍ച്ചയോടു കൂടി ഒറ്റയാന്‍ മടങ്ങും വരെ തൊഴിലാളികളും കുടുംബാംഗങ്ങളും മരണഭയത്തോടുകൂടിയാണ് കഴിഞ്ഞത്. തേയില തോട്ടങ്ങളില്‍ നിലയുറപ്പിച്ചിരിക്കുന്ന വിവിധ കാട്ടാനക്കൂട്ടങ്ങളും ഒറ്റയാന്‍മാരും കഴിഞ്ഞ കുറെ മാസങ്ങളായി പകല്‍ സമയത്ത് പോലും തേയില തോട്ടങ്ങളില്‍ ജോലിയെടുക്കുവാന്‍ കഴിയാത്ത വിധം ഭീതി പടര്‍ത്തിയിരിക്കുകയാണ്.