മൂന്നു വിള കൃഷി ചെയ്യുന്ന കര്‍ഷകര്‍ നെല്‍പ്പാടങ്ങള്‍ ഈ സീസണില്‍ തരിശിടുകയാണ്. വിഷുവിന് തൊട്ടു മുന്നിലും പിന്നിലുമായി കിട്ടുന്ന മഴയെ ആശ്രയിച്ചാണ് കര്‍ഷകര്‍ വിത്തിറക്കുന്നത്.
എന്നാല്‍ ഇക്കുറി ഇതുവരെ ആവശ്യത്തിനുള്ള മഴ ലഭിക്കാതിരുന്നതോടെ ജനം ചുറ്റിത്തിരിയുകയാണ്. പലരും കൃഷിയിറക്കിയില്ല.
മറ്റു ചിലര്‍ മഴയെയും കാത്ത് നിലമൊരുക്കി കാത്തിരിക്കുന്നു. ചിലരാകട്ടെ മൂന്നു വിള കൃഷിയെന്നത് ഒഴിവാക്കി ഒറ്റവിള കിട്ടുന്ന മുണ്ടോന്‍ നെല്‍വിത്ത് വിതച്ചു.
പാരമ്പര്യമായി കൃഷി ചെയ്യുന്ന പല പാടങ്ങളും തരിശിട്ടിരിക്കുന്നത് കണ്ണീര്‍ കാഴ്ചയാവുകയാണ്.