കണ്ണൂർ: കാഫിർ സ്‌ക്രീൻഷോട്ട് ഷെയർ ചെയ്തയാളെ സിപിഎം വീണ്ടും ബ്രാഞ്ച് സെക്രട്ടറിയായി തെരഞ്ഞെടുത്തു. 'അമ്പാടിമുക്ക് സഖാക്കൾ' പേജിന്റെ അഡ്മിൻ കെ.കെ മനീഷിനെയാണ് ബ്രാഞ്ച് സെക്രട്ടറിയായി തിരഞ്ഞെടുത്തത്. കണ്ണൂരിലെ വേളം സെന്റർ ബ്രാഞ്ച് സെക്രട്ടറിയായാണ് ഇയാളെ രഞ്ഞെടുത്തത്. ഏറെ വിവാദമായ കാഫിർ സ്‌ക്രീൻഷോട്ട് താൻ ഷെയർ ചെയ്തുവെന്ന് മനീഷ് പൊലിസിൽ മൊഴി നൽകിയിരുന്നു.

മനീഷ് സ്ക്രീൻഷോട്ട് ചെയ്ത കാര്യം കോടതിയിൽ പൊലിസ് സമർപ്പിച്ച റിപ്പോർട്ടിലും വ്യക്തമാക്കിയിരുന്നു. റെഡ് ബറ്റാലിയൻ ഗ്രൂപ്പിൽ നിന്ന് ലഭിച്ച സ്‌ക്രീൻ ഷോട്ട് ഷെയർ താൻ ചെയ്‌തെന്നായിരുന്നു മനീഷിന്റെ മൊഴി. പി. ജയരാജനുമായി അടുത്ത ബന്ധമുള്ളയാളാണ് മനീഷ്. പി. ജയരാജൻ സിപിഎം കണ്ണൂർ ജില്ലാ സെക്രട്ടറിയായിരുന്ന സമയത്ത് അദ്ദേഹത്തിന്റെ സോഷ്യൽ മീഡിയ പേജ് അഡ്മിനുമായിരുന്നു മനീഷ്.  

ലോക്സഭാ തെരഞ്ഞെടുപ്പിൽ യുഡിഎഫ് സ്ഥാനാർഥിയായിരുന്ന ഷാഫി പറമ്പിലിന്റെ പേരിലാണ് വ്യാജ കാഫിർ സ്ക്രീൻഷോട്ട് പ്രചരിച്ചത്. ഇതിന് പിന്നാലെ ഷാഫിയും യുഡിഎഫും വിഷയത്തിൽ രംഗത്ത് വരികയും നിയമനടപടികളുമായി മുന്നോട്ട് പോവുകയായിരുന്നു. ഇതോടെയാണ് ആരോപണം സിപിഎമ്മിന് മേലേക്ക് തിരിച്ചടിച്ചത്. നിലവിൽ സിപിഎം പ്രവർത്തകർ പ്രതിസ്ഥാനത്തുള്ള 'കാഫിർ സ്‌ക്രീൻഷോട്ട് വിവാദം' കേരളത്തിൽ വിവാദമായി തുടരവെയാണ് അത് ഷെയർ ചെയ്തയാളെ വീണ്ടും സിപിഎം ബ്രാഞ്ച് സെക്രട്ടറിയായി തിരഞ്ഞെടുത്തിരിക്കുന്നത്.

The CPI(M) has reappointed K.K. Manish as the branch secretary for the Velam Center in Kannur, despite controversy surrounding kafir screenshot he shared. Manish, who is the admin of the Facebook page "Ambadimukku Sakhakale," had previously testified to the police about sharing a contentious screenshot related to the Kafir screesnshot issue.