ചെക്കിക്കുളം: ചെക്കിക്കുളത്ത് മൊബൈല്‍ ഫോണ്‍ കടയില്‍ കവര്‍ച്ച നടത്തിയ പ്രതിയുടെ ദൃശ്യം പൊലിസിനു ലഭിച്ചു.
കഴിഞ്ഞ വ്യാഴാഴ്ച അര്‍ധരാത്രിയോടെയാണു ചെക്കിക്കുളം ടൗണിലെ എം.കെ സുബൈറിന്റെ ഉടമസ്ഥതയിലുള്ള ഡിജിറ്റല്‍ മാജിക് എന്ന കടയില്‍ മോഷണം നടന്നത്. കടയില്‍ നിന്നു 70,000 രൂപയും 34,000 രൂപ വിലവരുന്ന മൂന്നു സ്മാര്‍ട്ട് ഫോണുകളും ലാപ്‌ടോപുമാണു മോഷണം പോയത്.
കടയുടെ പൂട്ടുപൊളിച്ചാണു മോഷ്ടാവ് അകത്തുകടന്നിരുന്നത്. മോഷ്ടാവ് ആദ്യം കയറിയ ബേക്കറിയില്‍ നിന്നാണു സി.സി ടി.വി ദൃശ്യങ്ങള്‍ പൊലിസിനു ലഭിച്ചത്. വിരലടയാള വിദഗ്ധര്‍ തെളിവുകള്‍ ശേഖരിച്ചു.