ചെറുപുഴ: മുനയംകുന്ന് രക്തസാക്ഷി ദിനാചരണത്തിന്റെ ഭാഗമായി പതാക ജാഥ മുനയംകുന്ന് രക്തസാക്ഷി മണ്ഡപത്തില്‍ നിന്നും ആരംഭിച്ചു.
കായിക താരങ്ങളുടെയും നൂറുകണക്കിന് പാര്‍ട്ടി പ്രവര്‍ത്തകരുടെയും അകമ്പടിയോടെ നടന്ന ജാഥയ്ക്ക് ചെറുപുഴ മുതല്‍ പാടിയോട്ടുചാല്‍ വരെയുള്ള വിവിധ പ്രദേശങ്ങളില്‍ സ്വീകരണം നല്‍കി. സ്മാരകത്തിന് സമീപം നടന്ന പൊതുയോഗത്തിന് ശേഷം പതാക മുതിര്‍ന്ന കമ്മ്യൂണിസ്റ്റ് നേതാവായ പാവല്‍ കുഞ്ഞിക്കണ്ണന്‍ കെ.കെ കൃഷ്ണനു കൈമാറി.
പൊതുയോഗത്തില്‍ സാബു അബ്രഹാം അധ്യക്ഷനായി.
സി സത്യപാലന്‍ മുഖ്യപ്രഭാഷണം നടത്തി. കെ.വി ഗോവിന്ദന്‍, കെ.കെ കൃഷ്ണന്‍, അഡ്വ. പാവല്‍ കുഞ്ഞിക്കണ്ണന്‍ സംസാരിച്ചു.