കോഴിക്കോട്: മീഡിയാ സ്റ്റഡി സെന്ററിന്റെ ആഭിമുഖ്യത്തില്‍ മൂന്നുദിവസങ്ങളിലായി കോഴിക്കോട് വൈ.എം.സി.എ ഹാളില്‍ നടന്ന മിഫ് മീഡിയാ ഫിലിം ഫെസ്റ്റിവല്‍ സമാപിച്ചു.
സമാപന ദിവസമായ ഇന്നലെ ഒമ്പത് സിനിമകള്‍ പ്രദര്‍ശിപ്പിച്ചു. ഫൗസിയാ ഫാത്തിമ സംവിധാനം ചെയ്ത നദിയുടെ മൂന്നാം കര പ്രേക്ഷക ശ്രദ്ധ നേടി.എ.സി.കെ.രാജ പെയിന്റിങ് ലൈബ്രറിയുടെ ഉദ്ഘാടനം പ്രശസ്ത ചിത്രകാരന്‍ കെ. പ്രഭാകരന്‍ നിര്‍വഹിച്ചു. ചിത്രകാരി കബിതാ മുഖോപാധ്യായ രഘു, അജിത് എന്നിവര്‍ക്ക് ചിത്രങ്ങള്‍ നല്‍കി പെയിന്റിങ് വിതരണത്തിന് തുടക്കം കുറിച്ചു.
ചിത്രകാരന്‍ ദയാനന്ദന്‍, യൂനസ് മുസലിയാരകത്ത്ഷമീം സീഗള്‍ സംസാരിച്ചു.
സമാപന സമ്മേളനത്തില്‍ ചെലവൂര്‍ വേണു അധ്യക്ഷനായി. ഹരിനാരായണന്‍, കവി ലിംഗം ചിരഞ്ജീവി റാവു, സ്‌കറിയാ മാത്യു.കെ.അജിത് സംസാരിച്ചു.