തിരുവനന്തപുരം: ഇത്തവണ തദ്ദേശ തെരഞ്ഞടുപ്പ് കൊവിഡ് പ്രോട്ടോക്കോള്‍ പാലിച്ച് നടത്തും. പ്രചാരണ പരിപാടികള്‍ക്കും പ്രോട്ടോക്കോള്‍ ബാധകമാക്കും. എങ്ങനെ തെരഞ്ഞെടുപ്പ് നടത്താമെന്ന് ആരോഗ്യപ്രവര്‍ത്തകരുമായി ചര്‍ച്ച ചെയ്‌തെന്നും ഇനിയും ചര്‍ച്ചകള്‍ തുടരുമെന്നും സംസ്ഥാന തെരഞ്ഞെടുപ്പ് കമ്മീഷണര്‍ വി ഭാസ്‌കരന്‍ അറിയിച്ചു.

രാഷ്ട്രീയ പാര്‍ട്ടി പ്രതിനിധികളുമായും ചര്‍ച്ച നടത്തും. ഇതിന് ശേഷമേ തീയ്യതി പ്രഖ്യാപിക്കൂ. പോളിംഗ് ബൂത്തുകളില്‍ സാമൂഹിക അകലം പാലിച്ച് ക്യൂ നിര്‍ത്താന്‍ കഴിയുമെന്ന് പറഞ്ഞ സംസ്ഥാന തെരഞ്ഞെടുപ്പ് കമ്മീഷണര്‍, മൂന്ന് ആളില്‍ കൂടുതല്‍ വീടുകളില്‍ പ്രചാരണത്തിനായി പോകരുതെന്ന് നിര്‍ദ്ദേശിക്കുമെന്നും തെരഞ്ഞെടുപ്പ് കമ്മിഷണര്‍ അറിയിച്ചു.