പറവൂര്‍: സാര്‍വ്വ ദേശിയ തൊഴിലാളി ദിനത്തോടനുബന്ധിച്ചു എ ഐ ടി യു സി പറവൂര്‍ മണ്ഡലം കമ്മിറ്റിയുടെ ആഭിമുഖ്യത്തില്‍ മെയ് ദിന റാലിയും പൊതു സമ്മേളനവും സംഘടിപ്പിച്ചു. രാവിലെ പള്ളിത്താഴം എന്‍ ശിവന്‍പിള്ള സ്മാരക മന്ദിരത്തില്‍ നിന്നും ആരംഭിച്ച റാലിയില്‍ നൂറുകണക്കിന് തൊഴിലാളികള്‍ പങ്കെടുത്തു. ചേന്ദമംഗലം കവല,മുന്‍സിപ്പല്‍ കവല വഴി ചുറ്റി പഴയ കെ എസ് ആര്‍ ടി സി സ്റ്റാന്റ്റില്‍ എത്തിയ റാലിക്ക് പറവൂര്‍ ആന്റണി,അജയഘോഷ്, ടി എ കുഞ്ഞപ്പന്‍,ഡിവിന്‍ കെ ദിനകരന്‍,പി എ ചന്ദ്രിക,തിലോത്തമ ശിവന്‍,ടി എ എസ് സന്തോഷ് എന്നിവര്‍ നേതൃത്വം നല്‍കി.തുടര്‍ന്ന് നടന്ന പൊതുസമ്മേളനത്തില്‍ കെ പി വിശ്വനാഥന്‍ അദ്ധ്യക്ഷത വഹിച്ചു. സി പി ഐ ജില്ലാ അസി: സെക്രട്ടറി കെ എം ദിനകരന്‍ മെയ് ദിന സന്ദേശം നല്‍കി. സി പി ഐ മണ്ഡലം സെക്രട്ടറി കെ ബി അറുമുഖന്‍, പി ഡി വര്‍ഗ്ഗീസ്,എ കെ സുരേഷ്,എസ് ശ്രീകുമാരി,എ എം ഇസ്മായില്‍,വി എന്‍ സുകുമാരന്‍, എം യു എം അയൂബ്,ഹാരിഷ്,ജോഷി,സന്ദീപ്,സി കെ ബിജു,വിനീഷ്,ഹേമന്ത് തുടങ്ങിയവര്‍ സംസാരിച്ചു.