കൊച്ചി: സ്വര്‍ണവില വീണ്ടും കുതിക്കുന്നു. ഇന്നലെ രണ്ട് തവണയാണ് സ്വര്‍ണവില ഉയര്‍ന്നത്. രാവിലെ ഗ്രാമിന് 100 രൂപ വര്‍ധിച്ച് 5,000 രൂപയും പവന് 40,000 രൂപയുമായി ഉയര്‍ന്നു. ഉച്ചയ്ക്ക് ശേഷം വീണ്ടും ഉയര്‍ന്ന് ഗ്രാമിന് 5,030 രൂപയും പവന് 40,240 രൂപയുമായി. സ്വര്‍ണവില ഇടിയുന്നുവെന്ന വിപണി സൂചനക്കിടെയാണ് ഇന്നലെ പവന് രണ്ടു തവണയായി 1,040 രൂപ വര്‍ധിച്ചത്. ഇന്നലെ ഒരു ഗ്രാമിന് 130 രൂപയുടെ വര്‍ധനവാണുണ്ടായത്. അന്താരാഷ്ട്രാ വിപണിയിലും വില കുതിച്ചുയര്‍ന്നു. ട്രോയ് ഔണ്‍സിന് 1,940 ഡോളറില്‍ നിന്നും 1,990 ഡോളറിലേക്കും പിന്നീട് 2,010 ഡോളറിലേക്കുമാണ് വില ഉയര്‍ന്നത്.