വടകര: 55 ഗ്രാം കഞ്ചാവുമായി യുവാവിനെ പൊലിസ് അറസ്റ്റ് ചെയ്തു. വില്യാപ്പള്ളി കുറിഞ്ഞാലിയോട് ചെത്തില്‍ സലാമിനെ (32)യാണ് വടകര എസ്.ഐ ജെ.ഇ ജയന്‍ അറസ്റ്റ് ചെയ്തത്.
നഗരമധ്യത്തിലുള്ള ബി.ഇ.എം ഹൈസ്‌കൂളിനു മുന്‍വശത്ത് കഞ്ചാവ് വില്‍പ്പന നടത്തുന്നതിനിടെയാണ് പ്രതി അറസ്റ്റിലാകുന്നത്. വിദ്യാലയങ്ങള്‍ കേന്ദ്രീകരിച്ച് സ്ഥിരമായി മയക്കുമരുന്ന് വില്‍പ്പന നടത്തുന്ന കണ്ണികളിലൊരാളാണ് പ്രതിയെന്ന് പൊലിസ് പറഞ്ഞു. പ്രതിയെ ഇന്ന് കോടതിയില്‍ ഹാജരാക്കും.