സുല്‍ത്താന്‍ ബത്തേരി: കാട്ടുപന്നിയുടെ ആക്രമണത്തില്‍ യുവാവിന് പരുക്കേറ്റു. സുല്‍ത്താന്‍ ബത്തേരി മാടക്കര കോല്‍ക്കുഴി ചന്ദ്രന്റെ മകന്‍ സുനില്‍കുമാറി(35)നാണ് പരുക്കേറ്റത്.
കഴിഞ്ഞ ദിവസം വൈകിട്ട് അഞ്ചോടെയാണ് സംഭവം. തോട്ടത്തില്‍ പുല്ല് വെട്ടുന്നതിനിടെ കാട്ടുപന്നി സുനില്‍ കുമാറിനെ ആക്രമിക്കുകയായിരുന്നു. കൈക്കും കാലിനും പരുക്കേറ്റ സുനിലിനെ ആദ്യം സുല്‍ത്താന്‍ ബത്തേരി താലൂക്കാശുപത്രിയില്‍ പ്രവേശിച്ചു. തുടര്‍ന്ന് വിദഗ്ധ ചികിത്സക്കായി മേപ്പാടിയിലെ സ്വകാര്യ ആശുപത്രിയിലേക്ക് മാറ്റി.