ന്യൂഡല്‍ഹി: അമ്മയുടെ മൂളിപ്പാട്ടില്‍ ഏതു കുറുമ്പുമടങ്ങി കുഞ്ഞുറങ്ങുന്നത് പതിവു കാഴ്ച. എന്നാല്‍ ഇവിടെ ഇതാ ഒരച്ഛന്‍. സാന്‍ഡിയാഗോക്കാരനായ ഡാനിയല്‍ ഈസന്‍മാന്‍ ആണ് തന്റെ കുഞ്ഞാവയെ 'മൂളിത്തോല്‍പിച്ച' അച്ഛന്‍.

വലിയ യുദ്ധ സന്നാഹവുമായാണ് കുഞ്ഞുവാവ ഡിവിന തന്റെ കുറുമ്പു തുടങ്ങുന്നത്. ആര്‍ത്തു കരയുന്ന കുഞ്ഞിനെ നോക്കി ഡാനിയല്‍ മൂളാന്‍ തുടങ്ങുന്നു. ഓ.........അച്ഛന്റെ പാട്ടു കേട്ടതും കുഞ്ഞു ഡിവിന ശാന്തയായി. നല്ല ഉറക്കത്തിലാഴുകയും ചെയ്തു.

ഏപ്രില്‍ 22ന് ഫെയ്‌സ് ബുക്ക് ലൈവായി ചെയ്ത വീഡിയോ  വൈറലായിക്കഴിഞ്ഞു. 3.4 കോടി ആളുകളാണ് ഇതിനകം വീഡിയോ കണ്ടത്.