കൊല്‍ക്കത്ത: അര്‍ജന്റീനയുടെ ഫുട്‌ബോള്‍ ഇതിഹാസം ഡീഗോ മറഡോണ വീണ്ടും ഇന്ത്യയിലേക്ക്. ഇത്തവണ ദുരിതാശ്വാസ പ്രവര്‍ത്തനങ്ങള്‍ക്കായുള്ള ഫണ്ടിന് വേണ്ടി പന്തു തട്ടാനാണ് ഡീഗോ ഇന്ത്യയിലെത്തുന്നത്. കൊല്‍ക്കത്തയിലാണ് മത്സരം നടക്കുന്നത്. സെപ്റ്റംബര്‍ 18-19 തിയതികളിലായാണ് താരത്തിന്റെ ഇന്ത്യാ സന്ദര്‍ശനം.
മറഡോണ രണ്ടാം തവണയാണ് കൊല്‍ക്കത്തയിലെത്തുന്നത്. നേരത്തെ 2008ല്‍ താരം കൊല്‍ക്കത്തയിലെത്തിയിരുന്നു. സെപ്റ്റംബര്‍ 19ന് നടക്കുന്ന മത്സരത്തില്‍ മുന്‍ ഇന്ത്യന്‍ ക്യാപ്റ്റന്‍ സൗരവ് ഗാംഗുലിയോടൊപ്പം മറഡോണ പന്തു തട്ടും. മുഖ്യമന്ത്രി മമതാ ബാനര്‍ജി മത്സരത്തിന് മുന്‍പ് നടക്കുന്ന ചടങ്ങില്‍ മറഡോണയെ ആദരിക്കും.