കറാച്ചി: പാകിസ്താനില്‍ നാലു താലിബാന്‍ തീവ്രവാദികളെ തൂക്കിലേറ്റി. സൈനിക കോടതി കുറ്റക്കാരാണെന്ന് കണ്ടെത്തിയവരെയാണ് തൂക്കിലേറ്റിയതെന്ന് സൈന്യം അറിയിച്ചു. ബര്‍കത്ത് അലി, മുഹമ്മദ് ആദില്‍, ഇഷാഖ് ഹായ്, ലത്തീഫുറഹ്മാന്‍ എന്നിവരെയാണ് ഇന്നലെ തൂക്കിലേറ്റിയതെന്ന് സൈന്യം വാര്‍ത്താകുറിപ്പില്‍ അറിയിച്ചു.
2014ല്‍ പെഷാവര്‍ സ്‌കൂളിനു നേരെയുണ്ടായ ഭീകരാക്രമണത്തിന് ശേഷമാണ് പാകിസ്താനില്‍ സൈനിക കോടതി ഭീകരവാദ വിചാരണ നടത്താന്‍ തുടങ്ങിയത്. രണ്ടു വര്‍ഷമായിരുന്നു കോടതികളുടെ കാലാവധി. കഴിഞ്ഞ മാര്‍ച്ചില്‍ രണ്ടു വര്‍ഷത്തേക്ക് കൂടി കോടതികളുടെ കാലാവധി പാക് പാര്‍ലമെന്റ് നീട്ടി. 2019 ജനുവരി വരെ സൈനിക കോടതികള്‍ കേസില്‍ വിചാരണ തുടരും.
നേരത്തെ പാകിസ്താന്‍ സൈനിക കോടതി ഭീകരവാദക്കേസില്‍ കുറ്റക്കാരെന്നു കണ്ടെത്തിയ 304 പേരില്‍ 191 പേര്‍ക്ക് വധശിക്ഷ വിധിച്ചിരുന്നു.