പത്തനംതിട്ട: റബര്‍ ,കശുവണ്ടി ബോര്‍ഡുകള്‍ക്ക്  സമാനമായി ചക്കയുടെ സംഭരണത്തിനും വിപണനത്തിനും  പ്രത്യേക ബോര്‍ഡ്  രൂപീകരിക്കുന്നത്  സര്‍ക്കാര്‍ പരിഗണിക്കണമെന്ന് ഗവര്‍ണര്‍ പി .സദാശിവം  .
ആറന്‍മുളയില്‍  നടക്കുന്ന  ചക്ക മഹോല്‍സവത്തിന്റെ വിളംബര  സമ്മേളനം  ഉദ്ഘാടനം ചെയ്യുകയായിരുന്നു അദ്ദേഹം .
കര്‍ഷകരില്‍ നിന്ന്  നേരിട്ട് ചക്ക സംഭരിച്ച് ഗോഡൗണുകളില്‍  സൂക്ഷിക്കുന്നതിനുള്ള സംവിധാനം ബോര്‍ഡിന്  ഉണ്ടാകണം .ചക്കച്ചുള്ള  പാക്കറ്റിലാക്കി വിപണിയിലെത്തിക്കുന്നതിന്റെ സാധ്യതയും  പരിശോധിക്കണം .പ്‌ളാവ്  കൃഷിക്കായി സര്‍ക്കാര്‍  സബ്‌സിഡി  നല്‍കണം .
എല്ലാ വിട്ടിലും  പ്‌ളാവ്  ഉണ്ടാകണം .ചക്കയുടെ വിപണി സാധ്യത അറിയാത്തതിനാലാണ് മലയാളി  പ്ലാവുക വെട്ടിമാറ്റുന്നത് .തമിഴ്‌നാട്ടിലെ  കടലൂരില്‍  ഒരു ചക്കയ്ക്ക് 400  രൂപയാണ്  വില. ഈ സാഹചര്യത്തില്‍ ചക്ക സുലഭമായി ലഭിക്കുന്ന ഇവിടെ ചക്കയുടെ സംഭരണത്തിന് പ്രാധാന്യം നല്‍കണമെന്ന് ഗവര്‍ണര്‍ പറഞ്ഞു.