മൂവാറ്റുപുഴ: കൊച്ചിധനുഷ്‌കോടി ദേശീയപാതയില്‍ വാളകം മേക്കടമ്പില്‍ നിയന്ത്രണം വിട്ട ലോറി റോഡരികിലെ മരത്തിലിടിച്ച് ഡ്രൈവര്‍ക്ക് ഗുരുതരമായി പരിക്കേറ്റു. വാളയാര്‍ സ്വദേശി മോഹന്‍രാജ്(28)നാണ് പരുക്കേറ്റത്.
ഇയാളെ കോലഞ്ചേരി മെഡിക്കല്‍ കോളേജില്‍ പ്രവേശിപ്പിച്ചു. ബുധനാഴ്ച രാത്രി 11മണിയോടെയാണ് സംഭവം.എറണാകുളത്ത് നിന്നും മൂവാറ്റുപുഴയ്ക്ക് വരികയായിരുന്ന നാഷ്ണല്‍ പെര്‍മിറ്റ് ലോറി നിയന്ത്രണം വിട്ട് മരത്തിലിടിക്കുകയായിരുന്നു. ഇടിയുടെ ആഘാതത്തില്‍ ലോറി പൂര്‍ണ്ണമായും തകര്‍ന്നു. മൂവാറ്റുപുഴയില്‍ നിന്നും ഫയര്‍ഫോഴ്‌സ് സംഘം സ്ഥലത്തെത്തിയാണ്               ഡ്രൈവറെ പുറത്തെടുത്ത് ആശുപത്രിയിലെത്തിച്ചത്.