പട്‌ന: കറവ വറ്റിയതും പ്രായമായതുമായ പശുക്കളെ ബി.ജെ.പി പ്രവര്‍ത്തകരുടെ വീടിനുമുന്‍പില്‍ കെട്ടിയിട്ടാല്‍ അവരുടെ പശു സ്‌നേഹത്തിന്റെ തനിനിറമറിയാമെന്ന് ആര്‍.ജെ.ഡി അധ്യക്ഷന്‍ ലാലുപ്രസാദ് യാദവ്. ബി.ജെ.പിക്ക് പശു സ്‌നേഹമല്ല.
പകരം വോട്ടു സ്‌നേഹമാണെന്നും അതിനായി പശുക്കളെ സ്‌നേഹിക്കുന്നതായി ഭാവിക്കുകയാണെന്നും അദ്ദേഹം പരിഹസിച്ചു. ബിഹാറില്‍ ഇന്നലെ നടന്ന ആര്‍.ജെ.ഡി എക്‌സിക്യൂട്ടിവ് യോഗത്തില്‍ സംസാരിക്കുമ്പോഴാണ് അദ്ദേഹം ബി.ജെ.പിയുടെ പശുസ്‌നേഹത്തെ പരിഹസിച്ചത്.