പൂനൂര്‍: മത-സാമൂഹിക-വിദ്യാഭ്യാസ പ്രവര്‍ത്തനങ്ങള്‍ മഹല്ലത്തുകളില്‍ സംഘടിപ്പിക്കുമ്പോള്‍ മഹല്ല് കമ്മിറ്റികള്‍ വിദ്യാര്‍ഥി പ്രസ്ഥാനത്തിന് പ്രോത്സാഹനവും പിന്തുണയും നല്‍കണമെന്ന് സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് ജിഫ്‌രി മുത്തൂക്കോയ തങ്ങള്‍.
മഠത്തുംപൊയില്‍  ശാഖ സില്‍വര്‍ ജൂബിലി സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
സയ്യിദ് മിര്‍ബാത്ത് തങ്ങള്‍ അധ്യക്ഷനായി. എസ്.കെ.എസ്.എസ്.എഫ് സംസ്ഥാന ജന. സെക്രട്ടറി സത്താര്‍ പന്തല്ലൂര്‍ മുഖ്യ പ്രഭാഷണം നടത്തി. മഹല്ല് പ്രസിഡന്റ് എം.പി ഇസ്മയില്‍ മാസ്റ്റര്‍  ജിഫ്‌രി മുത്തുക്കോയ തങ്ങളെ പൊന്നാടയണിയിച്ച് സ്വീകരിച്ചു. ശിഹാബ് വട്ടക്കണ്ടി ഉപഹാരം നല്‍കി. മുജീബ് ഫൈസി പൂലോട്, അബ്ദുസ്സലാം ലത്തീഫി, അബ്ദു റസാഖ് ദാരിമി, റിയാള് അലി ഹുദവി, നജീബ് കാന്തപുരം സംസാരിച്ചു. എ.കെ അബ്ദുസ്സലാം മാസ്റ്റര്‍ സ്വാഗതവും ഷ ാമില്‍ വട്ടക്കണ്ടി നന്ദിയും പറഞ്ഞു.