കാസര്‍കോട്: അനധികൃത മണല്‍ക്കടത്തു പിടിച്ച കാസര്‍കോട് സി.ഐ സി.എ അബ്ദുല്‍ റഹീമിനെ ഓട്ടോയിടിച്ചു കൊലപ്പെടുത്താന്‍ ശ്രമിച്ച കേസില്‍ യുവാവ് അറസ്റ്റില്‍.
തളങ്കരയിലെ അക്ബര്‍ എന്ന അക്കു(26) വാണ് അറസ്റ്റിലായത്. കേസിലെ മറ്റൊരു പ്രതി ഒളിവിലാണ്. വധശ്രമത്തിനും അനധികൃത മണല്‍കടത്തിനുമാണ് ഇരുവര്‍ക്കുമെതിരേ കേസെടുത്തിട്ടുള്ളത്. കഴിഞ്ഞ ദിവസം രാത്രി തളങ്കര മാലിക് ദീനാര്‍ റോഡില്‍ വച്ചാണ് സംഭവം.
ഓട്ടോയില്‍ ചാക്കുകെട്ടുകളിലാക്കി കടത്തുകയായിരുന്ന മണല്‍ പിടിക്കാനെത്തിയ സി.ഐക്കു നേരെ ഓട്ടോ പാഞ്ഞടുക്കുകയായിരുന്നു.
മാറിയൊഴിഞ്ഞ സി.ഐക്ക് റോഡില്‍ വീണു തലക്കും കൈക്കും പരുക്കേറ്റതിനെ തുടര്‍ന്ന് ആശുപത്രിയില്‍ ചികിത്സ തേടി.