പെരുമ്പാവൂര്‍: ഐരാപുരം കോളജ് ഏരിയ റസിഡന്റ്‌സ് അസ്സോസിയേഷന്‍ വാര്‍ഷിക പൊതുയോഗവും കുടുംബസംഗമവും ഐരാപുരം എസ്.എന്‍.ഡി.പി ഹാളില്‍ നടന്നു. കുന്നത്തുനാട് എം.എല്‍.എ വി.പി സജീന്ദ്രന്‍ ഉദ്ഘാടനം നിര്‍വഹിച്ചു.  
മഴുവന്നൂര്‍ ഗ്രാമപഞ്ചായത്ത് പ്രസിഡന്റ് അമ്മുക്കുട്ടി സുദര്‍ശന്‍ അധ്യക്ഷത വഹിച്ചു. ബ്ലോക്ക് പഞ്ചായത്തംഗം കെ.പി വിനോദ് കുമാര്‍ എന്‍ഡോവ്‌മെന്റ് വിതരണം നടത്തി. ഗ്രാമപഞ്ചായത്തംഗം സതി രാജന്‍ പഠനോപകരണ വിതരണവും ഐരാപുരം എസ്.സി.ബി പ്രസിഡന്റ് കെ.ത്യാഗരാജന്‍ സമ്മാനദാനവും നിര്‍വ്വഹിച്ചു.
സി.എ.ആര്‍.എ പ്രസിഡന്റ് വി.ബാബുക്കുട്ടന്‍, സെക്രട്ടറി എന്‍.പി മനോജ് കുമാര്‍, ട്രഷറര്‍ കെ.രാമകൃഷ്ണന്‍ എന്നിവര്‍ സംസാരിച്ചു.