തിരുവമ്പാടി: പ്രളയത്തില്‍ തളര്‍ന്ന കൂടെപിറപ്പുകള്‍ക്ക് താങ്ങായി മലയോരത്തെ കുരുന്നുകള്‍.
സ്‌കൂള്‍ ഉപകരണങ്ങള്‍ക്കും സൈക്കിളിനുമൊക്കെ അല്‍പാല്‍പ്പം കരുതി വച്ച പണം ദുരിതമനുഭവിക്കുന്നവര്‍ക്ക് നല്‍കി മാതൃകയാവുകയാണ് ആനക്കാംപൊയില്‍ നുസ്വ്‌റത്തുല്‍ ഇസ്‌ലാം മദ്‌റസാ വിദ്യാര്‍ഥിയും മണ്ണില്‍ മുജീബുറഹ്മാന്റെ മകനുമായ നഹന്‍ ശാന്‍ തന്റെ വലിയ മോഹങ്ങള്‍ക്ക് സ്വരൂപിച്ച സംഖ്യ മുഴുവന്‍ പ്രളയക്കയത്തില്‍ കഷ്ടപ്പെടുന്നവര്‍ക്ക് നല്‍കാന്‍ തന്റെ ഉസ്താദുമാരെ ഏല്‍പ്പിക്കുകയായിരുന്നു.
മാതൃകാ പ്രവര്‍ത്തനം നടത്തിയ നഹന്‍ ശാനെ ബലിപെരുന്നാള്‍ നിസ്‌ക്കാരത്തിന്ന് മുന്നോടിയായി മഹല്ല് ഖത്വീബ് സ്വിദ്ദീഖ് ഫൈസി പനമരം ആദരിച്ചു. പ്രശംസനീയമായ കാഴ്ചകള്‍ വരും തലമുറക്കും സഹപാഠികള്‍ക്കും പ്രചോദനമാകട്ടെയെന്ന് ഖത്വീബ് ഈദ് സന്ദേശത്തില്‍ ആശംസിച്ചു.