ഹരിപ്പാട്: കോഴി മാലിന്യം തോട്ടില്‍ തള്ളാനെത്തിയവരെ നാട്ടുകാരുടെ സഹായത്താല്‍ കാര്‍ത്തികപ്പള്ളി എക്‌സൈസ് സംഘം പിടികൂടി.
കഴിഞ്ഞ ദിവസം രാത്രി 11.30ന് കാര്‍ത്തികപ്പള്ളി ഡാണാപ്പടി നീരൊഴുക്ക് തോട്ടില്‍ കോഴി മാലിന്യം ഇടാന്‍ വന്ന പള്ളിപ്പാട്, നടുവട്ടം മുറിയില്‍, പരവത്തറ വീട്ടില്‍ അനില്‍കുമാറിനെയും, സഹായി ബംഗാള്‍ സ്വദേശിയേയും കോഴി മാലിന്യം കൊണ്ടുവന്ന വാഹനം സഹിതം നാട്ടുകാരുടെ സഹായത്താല്‍ കാര്‍ത്തികപ്പള്ളി അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ബിജദാസും പാര്‍ട്ടിയും ചേര്‍ന്ന് പിടികൂടി.വാഹനമുള്‍പ്പെടെ ഹരിപ്പാട് പൊലീസിന് കൈമാറി.
പൊലീസ് കേസ്സെടുത്തു. പ്രിവന്റീവ് ആഫീസര്‍ റ്റി. പ്രമോദ്, സിവില്‍ എക്‌സൈസ് ഓഫീസര്‍മാരായ മുഹമ്മദ് കബീര്‍, അനില്‍ കുമാര്‍, ഷാഫി എന്നിവരും എക്‌സൈസ് സംഘത്തിലുണ്ടായിരുന്നു.