കോഴിക്കോട് മണ്ഡലത്തില്‍ കഴിഞ്ഞ തെരഞ്ഞെടുപ്പില്‍ 79.81 ആയിരുന്നു പോളിങ് ശതമാനം. ആകെ 11,78,219 വോട്ടര്‍മാരില്‍ 94,0327 പേരാണ് വോട്ട് രേഖപ്പെടുത്തിയത്.
ബാലുശ്ശേരി നിയോജകമണ്ഡലത്തില്‍ ആകെ 19,4206 വോട്ടര്‍മാരില്‍ 16,00,39 പേര്‍ വോട്ടുകള്‍ രേഖപ്പെടുത്തി. 82.41 ആയിരുന്നു പോളിങ് ശതമാനം. എലത്തൂര്‍ നിയോജകമണ്ഡലത്തിലാണ് ഏറ്റവും കൂടുതല്‍ പോളിങ്. 83.44 ശതമാനം പേര്‍ അവിടെ വോട്ട് രേഖപ്പെടുത്തി. ആകെ 17,30,27 വോട്ടര്‍മാരില്‍ നിന്ന് 14,4376 പേര്‍ വോട്ട് രേഖപ്പെടുത്തി. ഏറ്റവും കുറവ് പോളിങ് രേഖപ്പെടുത്തിയത് കോഴിക്കോട് സൗത്തിലാണ്. 75.99 ശതമാനം. ആകെ 1,38,668 വോട്ടര്‍മാരില്‍ 1,05,367 പേരാണ് വോട്ട് രേഖപ്പെടുത്തിയത്. കോഴിക്കോട് നോര്‍ത്തില്‍ 76.6 ശതമാനം പേര്‍ വോട്ട് രേഖപ്പെടുത്തി. ആകെ 1,56,990 വോട്ടര്‍മാരില്‍ 1,20,252 പേര്‍ വോട്ടുകള്‍ രേഖപ്പെടുത്തി. ബേപ്പൂര്‍ നിയോജകമണ്ഡലത്തില്‍ 77.39 ശതമാനമായിരുന്നു പോളിങ്. ആകെ 1,73,672 വോട്ടര്‍മാരില്‍ നിന്ന് 1,34,408 പേര്‍ വോട്ടുകള്‍ രേഖപ്പെടുത്തി.
കുന്ദമംഗലം നിയോജകമണ്ഡലത്തില്‍ 83.06 ശതമാനം പോളിങ് രേഖപ്പെടുത്തി. ആകെ 1,90,725 വോട്ടര്‍മാരില്‍ നിന്നായി 1,58,417 പേരാണ് വോട്ടുകള്‍ രേഖപ്പെടുത്തിയത്. കൊടുവള്ളി നിയോജകമണ്ഡലത്തില്‍ 77.83 ശതമാനം പോളിങ് രേഖപ്പെടുത്തി. ആകെ 1,50,931 വോട്ടര്‍മാരില്‍ നിന്നായി 1,17,468 പേരാണ് വോട്ടുകള്‍ രേഖപ്പെടുത്തിയത്. കോഴിക്കോട് ലോക്‌സഭാ മണ്ഡലത്തിലുള്ളത്.6,39,112 പുരുഷന്മാരും 6,76,228 സ്ത്രീകളും 33,314 ഭിന്നശേഷിക്കാരും 15 ഭിന്നലിംഗക്കാരുമാണുള്ളത്.