റിയാദ്: കോഴിക്കോട് സ്വദേശി റിയാദിൽ ഹൃദയാഘാതം മൂലം നിര്യാതനായി. കൊയിലാണ്ടി ചേമഞ്ചേരി സ്വദേശി പോയിൽ ഹുസൈൻ (62) ആണ്‌ ശുമൈസി ആശുപത്രിയിൽ ചികിത്സയിലിരിക്കെ മരിച്ചത്. സജീവ മുസ് ലീം ലീഗ് പ്രവർത്തകനും ചേമഞ്ചേരി ഗ്ലോബൽ കെ.എം.സി.സി അംഗവുമായിരുന്ന ഹുസൈൻ മുപ്പത്തഞ്ച് വർഷമായി കുടുംബസമേതം റിയാദിലുണ്ട്.

ഭാര്യ വളപ്പൂട്ട് സഫിയ. മക്കൾ: ഫെബിൻ (റിയാദ്), ഫാബിത (കുവൈത്ത്), ഹുദ (മലേഷ്യ). മരുമക്കൾ: അസ്ലം എലത്തൂർ (കുവൈത്ത്), മെഹ് ജബിൻ പുളിക്കൽ. സഹോദരങ്ങൾ: നഫീസ, ആമിന, പരേതരായ അഹമ്മദ് കോയ (ദയ), ബീവി. നിയമ നടപടികൾ പൂർത്തിയാക്കുന്നതിനായി സഹോദര പുത്രൻ റാഷിദ് ദയക്കൊപ്പം സൗദി കെ.എം.സി.സി സെക്രട്ടേറിയേറ്റ് അംഗം എസ്.വി.അർഷുൽ അഹമ്മദും സഹപ്രവർത്തകരും രംഗത്തുണ്ട്.