ചെറുവത്തൂര്‍: ദേശീയപാതയിലെ ഓയിലില്‍ തെന്നി വീണ് മൂന്ന് വാഹനങ്ങള്‍ അപകടത്തില്‍ പെട്ടു. ചെറുവത്തൂര്‍ വി.വി നഗറില്‍ ഇന്നലെ വൈകിട്ടായിരുന്നു അപകടം. ഓയിലില്‍ തെന്നി നിയന്ത്രണം വിട്ട ടെമ്പോയിടിച്ച് രണ്ടുവൈദ്യുതി തൂണുകള്‍ തകര്‍ന്നു. രണ്ടുബൈക്കുകളും അപകടത്തില്‍ പെട്ടു. വാഹനങ്ങളില്‍ നിന്നു ചോര്‍ന്നതാകാം ഓയില്‍ എന്നു കരുതുന്നു. ചാറ്റല്‍ മഴ കൂടി വന്നതോടെ വാഹനങ്ങളുടെ നിയന്ത്രണം നഷ്ടമാവുകയായിരുന്നു.
തൃക്കരിപ്പൂരില്‍നിന്ന് ഫയര്‍ഫോഴ്‌സെത്തി വെള്ളം പമ്പ് ചെയ്താണ് ഓയില്‍ നീക്കം ചെയ്തത്. വൈദ്യുതത്തൂണുകള്‍ തകര്‍ന്നതിനാല്‍ കൊവ്വല്‍ യു.പി സ്‌കൂളിലെ പോളിങ് ബൂത്തില്‍ അല്‍പനേരം വോട്ടെടുപ്പ് തടസപ്പെട്ടു.