തിരുവനന്തപുരം: തന്നെ വര്‍ഗീയവാദിയായി ചിത്രീകരിച്ച് തേജോവധം ചെയ്യാന്‍ ഇടതുപക്ഷവും കോണ്‍ഗ്രസും ശ്രമിച്ചതായി തിരുവനന്തപുരത്തെ ബി.ജെ.പി സ്ഥാനാര്‍ഥി കുമ്മനം രാജശേഖരന്‍.

എന്നാലത് വിലപ്പോയില്ല. നിലയ്ക്കല്‍, മാറാട് സംഭവങ്ങളുടെ പേരുപറഞ്ഞ് സാമൂഹ്യമാധ്യമങ്ങളിലൂടെയും തേജോവധം ചെയ്യാന്‍ ശ്രമമുണ്ടായി. എന്നാല്‍ ജനം ഇത് മുഖവിലയ്‌ക്കെടുത്തില്ലെന്ന് പ്രചാരണസമയത്ത് തനിക്ക് ബോധ്യമായി.
തന്റെ വിജയം സുനിശ്ചിതമാണെന്നും കുമ്മനം മാധ്യമപ്രവര്‍ത്തകരോട് പറഞ്ഞു.