കൊച്ചി: വോട്ട് ചെയ്തതിനുശേഷം നടന്‍ മമ്മൂട്ടി നടത്തിയ പ്രതികരണത്തിനെതിരേ വിമര്‍ശനവുമായി എറണാകുളം ലോക്‌സഭാ മണ്ഡലം എന്‍.ഡി.എ സ്ഥാനാര്‍ഥിയും കേന്ദ്രമന്ത്രിയുമായ അല്‍ഫോന്‍സ് കണ്ണന്താനം.
മമ്മൂട്ടിക്ക് ഹുങ്കാണെന്ന് അദ്ദേഹം മാധ്യമപ്രവര്‍ത്തകരോട് പറഞ്ഞു. മമ്മൂട്ടി വോട്ട് ചെയ്തതിനുശേഷം എല്‍.ഡി.എഫിന്റെയും യു.ഡി.എഫിന്റെയും സ്ഥാനാര്‍ഥികളെ സപ്പോര്‍ട്ട് ചെയ്താണ് സംസാരിച്ചത്.

മലയാളത്തിന്റെ മെഗാസ്റ്റാറെന്ന് പറയുന്ന വ്യക്തി രാവിലെ വോട്ട് ചെയ്തതിനുശേഷം എല്‍.ഡി.എഫ്, യു.ഡി.എഫ് സ്ഥാനാര്‍ഥികളെ ഇടവും വലവും നിര്‍ത്തിയിട്ട്് ഇവര്‍ രണ്ടുപേരും മാന്യന്മാരാണെന്ന് പറയുകയാണ്. അപ്പോള്‍ മറ്റുള്ളവര്‍ മാന്യന്മാര്‍ അല്ല എന്നല്ലേയെന്നും കണ്ണന്താനം ചോദിച്ചു.