തേഞ്ഞിപ്പലം: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ കീഴിലുള്ള 9896 മദ്‌റസകളിലെ പൊതു പരീക്ഷാ ക്ലാസുകള്‍ ഒഴികെ ഒന്നു മുതല്‍ പ്ലസ് വണ്‍ വരെയുള്ള 9,79,606 വിദ്യാര്‍ഥികള്‍ ഇന്ന് വാര്‍ഷിക പരീക്ഷ എഴുതും. 465 റെയ്ഞ്ച് കേന്ദ്രങ്ങളില്‍ പരീക്ഷാ ബോര്‍ഡ് കണ്‍ട്രോളര്‍മാര്‍ മുഖേന മദ്‌റസകളിലേക്ക് ഇന്നലെ ചോദ്യപേപ്പര്‍ വിതരണം നടന്നു.

30 നാണ് പരീക്ഷ അവസാനിക്കുക. മെയ് ഒന്ന് മുതല്‍ 10 വരെ ദിവസങ്ങളിലായി മൂല്യനിര്‍ണയം നടക്കും. മെയ് 20-ന് ഫലം പ്രസിദ്ധീകരിക്കും. പരീക്ഷക്കുള്ള ഒരുക്കങ്ങളെല്ലാം പൂര്‍ത്തീകരിച്ചതായി എസ്.കെ.ജെ.എം.സി.സി പരീക്ഷാ ബോര്‍ഡ് ചെയര്‍മാന്‍ അറിയിച്ചു.