കോഴിക്കോട്: വൈക്കം മുഹമ്മദ് ബഷീറിന്റെ 25ാം ചരമവാര്‍ഷികത്തോടനുബന്ധിച്ച് വൈക്കം മുഹമ്മദ് ബഷീര്‍ അനുസ്മരണ വേദിയും ചാവറ കള്‍ച്ചറല്‍ സെന്ററും എയറോസിസ് കോളജും സംയുക്തമായി 'ഇമ്മിണിബല്ല്യ സുല്‍ത്താന്‍' അനുസ്മരണ പരിപാടി നടത്തുന്നു.
27ന് വൈകിട്ട് അഞ്ചിന് ചാവറ കള്‍ച്ചറല്‍ സെന്ററില്‍ നടക്കുന്ന പരിപാടി മന്ത്രി എ.കെ ശശീന്ദ്രന്‍ ഉദ്ഘാടനം ചെയ്യും. എം.പി അബ്ദു സമദ് സമദാനി, പി.വി ഗംഗാധരന്‍ തുടങ്ങിയവര്‍ പങ്കെടുക്കും.
ബഷീര്‍ പുരസ്‌കാര സമര്‍പണം, ബഷീര്‍ സിനിമകളിലെ ഗാനങ്ങള്‍ ഉള്‍ക്കൊള്ളിക്കുന്ന സംഗീത വിരുന്ന്, കവിതാലാപനം, ബഷീര്‍ കഥാപാത്രങ്ങളെ അണിനിരത്തിയുള്ള ലഘുനാടകം എന്നിവയുണ്ടായിരിക്കും.