മാപ്രാണം: നന്ദിക്കര റൂട്ടില്‍ നമ്പ്യാങ്കാവ് ക്ഷേത്രത്തിലേയ്ക്ക് തിരിയുന്നതിന് സമീപം നിയന്ത്രണം വിട്ട കാര്‍ തലകീഴായി മറിഞ്ഞു. റോഡരികില്‍ എതിര്‍ വശത്ത് കൂട്ടിയിട്ടിരുന്ന വൈദ്യുതത്തൂണ്‍ ഇടിച്ച് നിയന്ത്രണം വിട്ട് മറിയുകയായിരുന്നു.
ഇന്നലെ രാവിലെ 10.30നായിരുന്നു സംഭവം. പൊറുത്തിശ്ശേരിയില്‍ കല്ല്യാണ ആവശ്യത്തിനായി പോവുകയായിരുന്ന ചാലക്കുടി സ്വദേശികളായി ലിപ്‌സണും ഭാര്യ മെറിനുമാണ് കാറില്‍ ഉണ്ടായിരുന്നത്. തലയ്ക്ക് പരുക്കേറ്റ ലിപ്‌സണെയും കാലിന് പരുക്കേറ്റ മെറിനെയും മാപ്രാണം ലാല്‍ ഹോസ്പിറ്റലില്‍ പ്രവേശിപ്പിച്ചു.