തിരുവനന്തപുരം: രാഷ്ട്രപിതാവിന്റെ വധവുമായി ബന്ധപ്പെട്ട ജുഡീഷറിയുടെ അഭിപ്രായത്തോട് യോജിക്കാതെ തന്റെ മുന്‍ നിലപാടില്‍ ഉറച്ച് നിന്ന രാഹുല്‍ഗാന്ധയുടെ തീരുമാനം എസ് .വൈ .എസ് ജില്ലാ സെക്രട്ടറിയേറ്റ്  അഭിനന്ദിച്ചു. ആര്‍. എസ് .എസ് , സംഘ്പരിവാര്‍ സംഘടനകള്‍ ഇന്ത്യന്‍മതേതരത്വത്തിന് കടയ്ക്കല്‍ കത്തിവെയ്ക്കുന്ന പ്രവണത  കൂടിവരികയാണ്.
ഇന്ത്യയിലെ പ്രബല ന്യൂനപക്ഷങ്ങളായ  മുസ്ലിം, ദലിത് വിഭാഗങ്ങള്‍  അക്രമത്തിന്   ഇരകളാകുന്ന സാഹചര്യത്തില്‍ ആര്‍.എസ്.എസിന്റെ കഴിഞ്ഞകാല ചരിത്രം  തുറന്നുകാട്ടിയ രാഹുലിന്റെ  നിലപാടിനെ സെക്രട്ടറിയേറ്റ്  സ്വാഗതം ചെയ്തു. ഫക്രുദ്ദിന്‍ ബാഖവി, ആലംകോട് ഹസ്സന്‍, ഹുസൈന്‍ മുസ്ലിയാര്‍ വിഴിഞ്ഞം, സലാം വെമ്പായം ,ഹാറൂണ്‍ റഷീദ് പള്ളിവേട്ടഖരീം, ചുറ്റൂര്‍ഉളര്‍ എലന്തറ ബേക്കര്‍, സുബൈര്‍ എന്നിവര്‍ പ്രസ്താവനയില്‍ ഒപ്പുവെച്ചു.