മേപ്പാടി: വിദ്യാഭ്യാസം നല്‍കുന്നതിലും വിദ്യാഭ്യാസ സമുച്ചയങ്ങള്‍ നിര്‍മിക്കുന്നതിലും പൂര്‍വികര്‍ അവരുടെ സ്വന്തം ശരീരവും സമ്പത്തും സമര്‍പ്പിക്കുന്നതില്‍ അതീവ താല്‍പര്യമുള്ളവരായിരുന്നുവെന്നും ആ പാത നമ്മളും സ്വീകരിക്കണമെന്നും സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ പറഞ്ഞു.
പൂത്തകൊല്ലി ഹിദായത്തുല്‍ ഇസ്‌ലാം മദ്‌റസയുടെ പുതിയ കെട്ടിടത്തിന്റെ ഓഫിസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കല്‍പ്പറ്റ ഖത്തീബ് സലീം മുസ്‌ലിയാര്‍ മണ്ണാര്‍ക്കാട് മുഖ്യപ്രഭാഷണം നടത്തി. മേപ്പാടി ഖത്തീബ് ജഅ്ഫര്‍ ബാഖവി. ടി ഹംസ, സൈതലവി ഹാജി, എ.കെ സൈദ്, അഷ്‌റഫ്, മുനീര്‍, അബ്ദു റസാഖ് മൗലവി, ഉസ്മാന്‍ മൗലവി, ശഫീര്‍ മാസ്റ്റര്‍ സംസാരിച്ചു. കണ്‍വീനര്‍ എ.കെ അലി മാസ്റ്റര്‍ സ്വാഗതവും പി.വി കുഞ്ഞിമുഹമ്മദ് നന്ദിയും പറഞ്ഞു.