ബംഗളൂരു: മാധ്യമപ്രവര്‍ത്തക ഗൗരി ലങ്കേഷിന്റെയും നരേന്ദ്ര ധാബോല്‍ക്കറിന്റെയും കൊലപാതകങ്ങള്‍ തമ്മില്‍ അടുത്ത ബന്ധമെന്ന് സി.ബി.ഐ. പ്രധാന പ്രതിയായ സച്ചിന്‍ ആന്‍ഡൂറിന്റെ കസ്റ്റഡി കാലാവധി നീട്ടി വാങ്ങുന്നതിനിടെ പൂനെയിലെ ശിവാജി നഗര്‍ മജിസ്‌ട്രേറ്റ് കോടതിയിലാണ് സി.ബി.ഐ ഇക്കാര്യം ചൂണ്ടിക്കാട്ടിയത്.കൊലപാതകത്തിനുപയോഗിച്ച തോക്ക് സച്ചിന്റെ ബന്ധുവിന്റെ കൈയില്‍നിന്ന് അന്വേഷണ സംഘം പിടിച്ചെടുത്തിരുന്നു.
തോക്കിന്റെ ഫോറന്‍സിക് പരിശോധനാ ഫലം പുറത്തുവന്നതോടെയാണ് ഇരു കൊലപാതകങ്ങളും തമ്മില്‍ അടുത്ത ബന്ധമുണ്ടെന്ന് തെളിഞ്ഞതെന്നും സി.ബി.ഐ ചൂണ്ടിക്കാട്ടി.
അതേസമയം സച്ചിന്‍ ആന്‍ഡൂറിന്റെ കസ്റ്റഡി കാലാവധി കോടതി ഈ മാസം 30വരെ നീട്ടി നല്‍കിയിട്ടുണ്ട്.