മാഡ്രിഡ്: ലാലിഗയില്‍ അത്‌ലറ്റികോ മാഡ്രിഡിന് ജയം. കഴിഞ്ഞ ദിവസം നടന്ന മത്സരത്തില്‍ വലന്‍സിയയെ 3-2 എന്ന സ്‌കോറിനാണ് അത്‌ലറ്റികോ മാഡ്രിഡ് പരാജയപ്പെടുത്തിയത്.
ഒരു പക്ഷെ അത്‌ലറ്റികോ ഈ മത്സരത്തില്‍ പരാജയപ്പെടുകയായിരുന്നെങ്കില്‍ കിരീടം ബാഴ്‌സലോണക്ക് ലഭിക്കുമായിരുന്നു. അടുത്ത മത്സരത്തില്‍ ബാഴ്‌സ ജയിച്ചാല്‍ മാത്രമേ ഇനി കിരീടം സ്വന്തമാക്കാനാകൂ. അല്‍വാരോ മൊറാട്ട (9), അന്റോയിന്‍ ഗ്രിസ്മാന്‍ (49), എയ്ഞ്ജല്‍ കൊറിയ (81) എന്നിവരാണ് അത്‌ലറ്റികോക്ക് വേണ്ടി ഗോള്‍ നേടിയത്. കെവിന്‍ ഗമാറിയോ (36), ഡാനിയല്‍ (77) എന്നിവരാണ് വലന്‍സിയക്ക് വേണ്ടി ഗോളുകള്‍ നേടിയത്. മറ്റൊരു മത്സരത്തില്‍ അത്‌ലറ്റികോ ബില്‍ബാവോ എതിരില്ലാത്ത ഒരു ഗോളിന് ലഗാനസിനെ പരാജയപ്പെടുത്തി. എസ്പാനിയോളും സെല്‍റ്റാ വിഗോയും തമ്മിലുള്ള മത്സരം 1-1ന് സമനിലയില്‍ കലാശിച്ചു.
മറ്റൊരു മത്സരത്തില്‍ ലെവന്റെ എതിരില്ലാത്ത നാലു ഗോളുകള്‍ക്ക് റയല്‍ ബെറ്റിസിനെ പരാജയപ്പെടുത്തി.