ടോക്യോ: ആരോഗ്യപരമായ ബുദ്ധിമുട്ടുകള്‍ മൂലം ജപ്പാന്‍ പ്രധാനമന്ത്രി ഷിന്‍സോ ആബെ രാജിവയ്ക്കുന്നു. രാജ്യത്തെ കൂടുതല്‍ കാലം ഭരിച്ച പ്രധാനമന്ത്രിയായ ആബെ വാര്‍ത്താസമ്മേളനത്തിലാണ് ഇക്കാര്യം വെളിപ്പെടുത്തിയത്. ഒരാഴ്ചയ്ക്കിടെ ആബെ രണ്ട് ആശുപത്രികള്‍ സന്ദര്‍ശിച്ചത് അദ്ദേഹത്തിന്റെ ആരോഗ്യം സംബന്ധിച്ച് ആശങ്ക ഉയര്‍ത്തിയിരുന്നു.
2012ല്‍ അധികാരത്തിലേറിയ ആബെയ്ക്ക് നിയമപ്രകാരം 2021 സെപ്റ്റംബര്‍ വരെ പ്രധാനമന്ത്രിയായി തുടരാം. പുതുതായി തെരഞ്ഞെടുക്കപ്പെടുന്നയാള്‍ ഈ കാലാവധി തികയ്ക്കും. 2005 മുതല്‍ 2006 വരെ ചീഫ് കാബിനറ്റ് സെക്രട്ടറിയായിരുന്ന അദ്ദേഹം 2006-2007 കാലയളവില്‍ പ്രധാനമന്ത്രിയായിരുന്നു. 2012 മുതല്‍ ലിബറല്‍ ഡമോക്രാറ്റിക് പാര്‍ട്ടി പ്രസിഡന്റുമായിരുന്നു.