നാദാപുരം: ചെക്യാട് പഞ്ചായത്ത് കോണ്‍ഗ്രസ് അംഗത്തിനു നേരെ അക്രമം. മൂന്നാം വാര്‍ഡ് മെംബര്‍ കെ.പി കുമാരനു (43) നേരെയാണ് അക്രമം. ഇന്നലെ വൈകിട്ട് ആറിനാണു സംഭവം. കാറില്‍ നിന്നിറങ്ങി വീട്ടിലേക്ക് പോവുകയായിരുന്ന കുമാരനെ കുറുവന്തേരി നെല്ലിക്കാപറമ്പില്‍ വച്ച് രണ്ടു സി.പി.എം പ്രവര്‍ത്തകര്‍ കാര്‍ തടയുകയും പുറത്തിറക്കി മര്‍ദിക്കുകയുമായിരുന്നുവെന്ന് കുമാരന്‍ വളയം പൊലിസില്‍ പരാതി നല്‍കി.
ചെക്യാട് അരൂണ്ടയിലെ വീട്ടമ്മയ്ക്ക് ലൈഫ് മിഷന്‍ പദ്ധതിയില്‍ വീട് അനുവദിച്ചിരുന്നു. ഇതു പിന്നീട് കുമാരന്‍ ഇടപെട്ട് ഒഴിവാക്കിയെന്നാരോപിച്ചായിരുന്നു മര്‍ദനം. പരുക്കേറ്റ കുമാരന്‍ നാദാപുരം ഗവ. ആശുപത്രിയില്‍ ചികിത്സയിലാണ്.