കൊച്ചി: ഇന്ത്യയുടെ അതിവേഗം വളരുന്ന ട്രാവല്‍ ആപ്പായ റയില്‍യാത്രി, ഇപ്പോള്‍ എട്ട് ഭാഷകളില്‍ ലഭ്യം.
ഹിന്ദി,മറാത്തി,ഗുജറാത്തി,ബംഗാളി, തമിഴ്, തെലുങ്ക്,മലയാളം, കന്നഡ എന്നീ എട്ട് പ്രാദേശിക ഭാഷകളിലാണ് റയില്‍യാത്രിയുടെ സവിശേഷതകളും ഉള്ളടക്കവും ഇനി ലഭ്യമാകുക. നിലവില്‍ ഈ സേവനം ആന്‍ഡ്രോയിഡ് ഉപയോക്താക്കള്‍ക്കാണ് ലഭ്യമാക്കുക. എന്നാല്‍ ഈ സൗകര്യം ഉടന്‍ ഐ.ഒ.എസ്, വിന്‍ഡോസ് പതിപ്പുകള്‍ക്കും പുറത്തിറക്കും. ഇന്ത്യയിലെ ബഹുഭാഷാ ആപ്പായി മാറിയ റയില്‍യാത്രി ഉപയോക്താക്കള്‍ക്ക് തങ്ങളുടെ മാതൃഭാഷ തിരഞ്ഞെടുക്കാനും ആപ്പിലെ ഫീച്ചറുകളും വിവരങ്ങളും സേവനങ്ങളും അനായാസം ഉപയോഗിക്കാനും സഹായിക്കുന്നു. ഇന്ത്യയിലെ ഒന്നാം നമ്പര്‍ ദീര്‍ഘദൂര യാത്ര കമ്മ്യൂണിറ്റിയാണ് റയില്‍യാത്രി. ഇന്‍ മനീഷ് രതി, കപില്‍റെയ്‌സാദ, സച്ചിന്‍ സക്‌സേന എന്നിവര്‍ സഹസ്ഥാപകരായുള്ള റയില്‍യാത്രി നോയ്ഡ ആസ്ഥാനമാക്കിയാണ് പ്രവര്‍ത്തിക്കുന്നത്. ട്രെയിന്‍ യാത്രലാളിതമാക്കുക എന്ന ലക്ഷ്യത്തോടെ 2011 ലാണ് ഇത് പ്രവര്‍ത്തനമാരംഭിച്ചത്.