തിരുവനന്തപുരം: പ്രളയത്തില്‍ ദുരിതമനുഭവിക്കുന്നവര്‍ക്ക് കൈത്താങ്ങായി ഒ.എന്‍.ജി.സി. ഭക്ഷ്യവസ്തുക്കളും മരുന്നുകളും ബെഡ്ഷീറ്റുകളും ഉള്‍പ്പെടെയുള്ള അവശ്യവസ്തുക്കളുമായി ഒ.എന്‍.ജി.സിയുടെ മൂന്നു ഹെലികോപ്റ്ററുകളാണ് കേരളത്തിലെത്തിയത്.
രണ്ടെണ്ണം മുംബൈയില്‍ നിന്നും ഒരെണ്ണം കാക്കിനാടയില്‍ നിന്നുമാണ് വന്നത്. ഇതോടൊപ്പം എത്തിയ കമ്പനിയുടെ നാലു ഡോക്ടര്‍മാര്‍ ദുരിതമേഖലയില്‍ സേവനമനുഷ്ഠിച്ചു. അവശ്യവസ്തുക്കളുമായി എത്തിയ ഹെലികോപ്റ്ററുകള്‍ പിന്നീട് ദേശീയ ദുരന്തനിവാരണ സേനയുമായി സഹകരിച്ച് രക്ഷാപ്രവര്‍ത്തനങ്ങളിലും ഏര്‍പ്പെട്ടിരുന്നു.