പാപ്പിനിശ്ശേരി: ദേശീയപാതയില്‍ വേളാപുരം ബസ് സ്റ്റോപ്പിനു സമീപം ബൈക്കുകള്‍ കൂട്ടിയിടിച്ച് രണ്ടുപേര്‍ക്ക് പരുക്കേറ്റു. അരോളിയിലെ അവാസ് (25), പുളിമ്പറമ്പ് സ്വദേശി അജയന്‍(39) എന്നിവര്‍ക്കാണ് പരുക്കേറ്റത്.
അവാസിന്റെ പരുക്ക് ഗുരുതരമായതിനെ തുടര്‍ന്ന് കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ ഉച്ചക്ക് 3.30നാണ് അപകടം ഉണ്ടായത്. എതിര്‍ഭാഗത്തുനിന്ന് വേഗതയില്‍ വന്ന ബൈക്കുകള്‍ കൂട്ടിയിടിക്കുകയായിരുന്നു. റോഡിലേക്ക് തെറിച്ചുവീണ ഇരുവരെയും നാട്ടുകാരാണ് ആശുപത്രിയിലെത്തിച്ചത്.