പാപ്പിനിശ്ശേരി: ഇരിണാവ് റോഡില്‍ ജ്വല്ലറിയുടെ ചുമര്‍ തുരന്ന് മോഷണശ്രമം. ശ്രീകണ്ഠ ജ്വല്ലറിയുടെ പിന്‍ഭാഗത്തെ ചുമര്‍ തുരന്നാണ് കവര്‍ച്ചാ ശ്രമമുണ്ടായത്. ജ്വല്ലറി ഉടമ കണ്ണപുരം പാറപ്പുറത്തെ വി.വി വിനോദ് കുമാര്‍ ഇന്നലെ രാവിലെ 9.30ഓടെ കട തുറന്നപ്പോഴാണ് മോഷണശ്രമം നടന്നതായി ശ്രദ്ധിച്ചത്. പരിശോധനയില്‍ ഒന്നും നഷ്ടപ്പെട്ടിട്ടില്ലെന്ന് ബോധ്യമായി. പരാതിയെ തുടര്‍ന്ന് കണ്ണപുരം എസ്. ഐ മഹേഷ് കെ. നായര്‍ സ്ഥലത്തെത്തി അന്വേഷണം നടത്തി.