കോഴിക്കോട്: ഉംറ വിസ അല്‍ഹിന്ദ് ടൂര്‍സ് ആന്‍ഡ് ട്രാവല്‍സില്‍ നിന്നും അര മണിക്കൂറിനകം ലഭ്യമാകും. ഇതിനായി ഇന്ത്യയിലെ പ്രമുഖ നഗരങ്ങളിലുള്ള അല്‍ഹിന്ദ് ഓഫിസുകളില്‍ പ്രത്യേക 'ഇ-വിസ റൂം' സജ്ജമാക്കിയിട്ടുണ്ട്. കൂടാതെ ഇന്ത്യയിലും വിദേശത്തുമുള്ള നൂറില്‍പരം ബ്രാഞ്ചുകളിലും ഈ സേവനം ലഭ്യമാണ്.
നേരത്തെ സഊദി ഗവണ്മെന്റിന്റെ ഡല്‍ഹി എംബസി, ബോംബെ കോണ്‍സുലേറ്റ് എന്നിവിടങ്ങളിലേക്ക് പാസ്‌പോര്‍ട്ട് അയച്ചു ദിവസങ്ങളോളമുള്ള കാത്തിരിപ്പിനൊടുവിലാണ് വിസ ലഭിച്ചിരുന്നത്. ഉംറ തീര്‍ഥാടനത്തിന് പോകാന്‍ ആഗ്രഹിക്കുന്നവര്‍ക്ക് ഏറെ ആശ്വാസം പകരുന്നതാണ് പുതിയ നടപടി.
ഉംറ സേവനത്തിനായി 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമും ഹെല്‍പ്‌ലൈന്‍ സംവിധാനവും അല്‍ഹിന്ദ് ഒരുക്കിയിട്ടുണ്ടെന്ന് മാനേജ്‌മെന്റ് അറിയിച്ചു. ബന്ധപ്പെടേണ്ട നമ്പര്‍: 9496005902.