നെയ്പിഡോ: മ്യാന്‍മറില്‍ ഡാം തകര്‍ന്നു ജലപ്രളയം. സംഭവത്തെ തുടര്‍ന്ന് അന്‍പതിനായിരത്തിലേറെ പേരെ മാറ്റിപ്പാര്‍പ്പിച്ചു. നൂറിലേറെ ഗ്രാമങ്ങള്‍ വെള്ളത്തിലാണ്.
പ്രധാന നഗരങ്ങളും ദേശീയപാതയുമെല്ലാം ജലപ്രളയത്തില്‍ തകരുകയും വെള്ളത്തില്‍ മുങ്ങുകയും ചെയ്തു. സവാര്‍ ടൗണിനടുത്തുള്ള ഡാമാണ് കഴിഞ്ഞ ദിവസം തകര്‍ന്നത്. ഇതുകാരണം വെള്ളം ഒഴുകിയെത്തിയതോടെ സമീപപ്രദേശങ്ങളെല്ലാം വെള്ളത്തിലാകുകയായിരുന്നു.
സംഭവത്തില്‍ ആളപായം റിപ്പോര്‍ട്ട് ചെയ്യപ്പെട്ടിട്ടില്ലെങ്കിലും ആയിരത്തോളം വീടുകള്‍ തകരുകയും ഒട്ടേറെ പേര്‍ ദുരിതാശ്വാസ ക്യാംപുകളില്‍ അഭയം തേടുകയും ചെയ്തിട്ടുണ്ട്. പ്രദേശത്തു കനത്ത മഴ തുടരുകയാണ്.