പെരളശ്ശേരി:പെരളശ്ശേരിടൗണിലെ പൊതുകിണര്‍ കാടുകയറി നശിക്കുന്നു.എ.കെ.ജി സ്മാരക ഹയര്‍സെക്കന്‍ഡറിസ്‌കൂളിനു മുന്‍പിലെ കിണറാണ് ആരോരും ശ്രദ്ധിക്കാനില്ലാതെ അനാഥമായി കിടക്കുന്നത്. ഈ കിണറില്‍ വെള്ളമുണ്ടെങ്കിലും ആരും ഉപയോഗിക്കുന്നില്ല. നേരത്തെ സമീപത്തെ കച്ചവടക്കാരും,സ്‌കുള്‍ വിദ്യാര്‍ഥികളും ഉപയോഗിച്ചിരുന്ന കിണറാണിത്. രാത്രികാലങ്ങളില്‍ കുപ്പികളും,മറ്റുപാഴ് വസ്തുക്കളും,കിണറില്‍ തള്ളിയതു കാരണം വെള്ളം മലിനമായി കിടക്കുകയാണ്.പെരളശേരിയിലെ ഹൃദയഭാഗത്തുസ്ഥിതി ചെയ്യുന്ന ജലസമ്യദ്ധിയുള്ള കിണര്‍ സംരക്ഷിക്കണമെന്ന ആവശ്യം വ്യാപാരികളില്‍ നിന്നും പൊതുജനങ്ങളില്‍ നിന്നുമുയര്‍ന്നിട്ടുണ്ട്. എന്നാല്‍ ഈക്കാര്യത്തില്‍ പഞ്ചായത്ത് നടപടിയെടുക്കുന്നില്ലെന്നാണ് പരാതി.