പയ്യന്നൂര്‍: ഗോവയില്‍ നിന്നെത്തിച്ച മയക്കുമരുന്നുമായി പാലത്തറയില്‍ യുവാവ് എക്‌സൈസ് സംഘത്തിന്റെ പിടിയിലായി. കാങ്കോല്‍ ഏറ്റുകുടുക്ക സ്വദേശി മുഹമ്മദ് ജാഫറിനെ(22) ആണ് റേഞ്ച് എക്‌സൈസ് ഇന്‍സ്‌പെക്ടര്‍ പ്രഭാകരന്റെ നേതൃത്വത്തിലുള്ള സംഘം വാഹന പരിശോധനക്കിടെ പിടികൂടിയത്. സംശയം തോന്നിയ സംഘം വാഹനം പരിശോധിച്ചപ്പോള്‍ 800 മില്ലിഗ്രാം ഹാഷിഷ് പിടികൂടി. ഗോവയില്‍ വിനോദയാത്രയ്ക്ക് പോയപ്പോള്‍ കൊണ്ടുവന്നതാണ് ഹാഷിഷെന്ന് ചോദ്യം ചെയ്യലില്‍ പ്രതി എക്‌സൈസ് സംഘത്തോട് പറഞ്ഞു. പ്രതിയെ കോടതി ജാമ്യം നല്‍കി വിട്ടയച്ചു.