ചക്കരക്കല്‍: ഇരിവേരിയില്‍ യുവാവിനെ മര്‍ദിച്ചുവെന്ന പരാതിയില്‍ അഞ്ചുപേരെ ചക്കരക്കല്‍ പൊലിസ് അറസ്റ്റുചെയ്തു. ഇരിവേരിയിലെ അബ്ദുല്‍സലാം(60), ഷക്കീല്‍ (27), റിഷാദ് (32), മഷൂദ് (30), ഹാസിഫ് (29) എന്നിവരെയാണ് പൊലിസ് അറസ്റ്റുചെയ്തത്. ഇരിവേരി ബൈത്തുനൂറില്‍ സാജിദിനാണ് മര്‍ദനമേറ്റത്.
യുവതിയെ ഫോണില്‍ വിളിച്ചുവെന്ന് ആരോപിച്ചായിരുന്നു മര്‍ദനം. സാജിദിനെ ഇരിവേരിയിലെ ഒരുവീട്ടില്‍ വച്ച് ക്രൂരമായി മര്‍ദിക്കുകയും ആളൊഴിഞ്ഞ സ്ഥലത്ത് ഇറക്കിവിടുകയും ചെയ്തുവെന്നാണ് പരാതി.