താമരശ്ശേരി: കൂടത്തായി ടൗണില്‍ പണിപൂര്‍ത്തിയായ മസ്ജിദ് ആയിഷയുടെ ഉദ്ഘാടനം ഇന്ന് മഗ്‌രിബ് നിസ്‌കാരത്തിന് നേതൃത്വം നല്‍കി സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. പ്രൊഫ. കെ. ആലിക്കുട്ടി മുസ്‌ലിയാര്‍ അധ്യക്ഷനാകും.
കോട്ടുമല ടി.എം ബാപ്പു മുസ്‌ലിയാര്‍, പി.കെ കുഞ്ഞാലിക്കുട്ടി, വാവാട് കുഞ്ഞിക്കോയ മുസ്‌ലിയാര്‍, കെ. ഉമ്മര്‍ ഫൈസി മുക്കം, സി. മോയിന്‍കുട്ടി, വി.എം ഉമ്മര്‍ മാസ്റ്റര്‍, എം.എ റസാഖ്  മാസ്റ്റര്‍, പി.പി സെയ്ത് ഹാജി, സി.കെ മൂസക്കുട്ടി മുസ്‌ലിയാര്‍, അബ്ദുല്‍ ബാരി ബാഖവി, മുസ്തഫ മുണ്ടുപാറ, അബൂബക്കര്‍ ഫൈസി മലയമ്മ, ഡോ. ഹുസൈന്‍ മുസ്‌ലിയാര്‍, കെ.ടി മുഹമ്മദ് ബാഖവി, മുഹമ്മദ് ഹാജി ചെറാഞ്ചേരി പ്രസംഗിക്കും. അബ്ദുസമദ് പൂക്കോട്ടൂര്‍ മുഖ്യപ്രഭാഷണം നടത്തും.
നാളെ  വൈകിട്ട് മൂന്നിന് സാംസ്‌കാരിക സമ്മേളനം അബ്ദുസമദ് സമദാനി ഉദ്ഘാടനം ചെയ്യും. ഫാദര്‍ ജേക്കബ് ജോണ്‍, കല്യാണ്‍ ചൈതന്യ, ഭാസ്‌കരന്‍ പ്രസംഗിക്കും. വൈകിട്ട് ഏഴിന് അന്‍വര്‍ മുഹിയുദ്ദീന്‍ ഹുദവി പ്രഭാഷണം നടത്തുമെന്നും സ്വാഗത സംഘം ചെയര്‍മാന്‍ എ.കെ കാതിരി ഹാജി, കണ്‍വീനര്‍ നാസര്‍ ഫൈസി കൂടത്തായി എന്നിവര്‍  അറിയിച്ചു.6