തിരുവനന്തപുരം: സംസ്ഥാനത്ത് പ്രതിദിന കൊവിഡ് ബാധിതരുടെ കണക്ക് സെപ്റ്റംബര്‍, ഒക്ടോബര്‍ മാസത്തില്‍ അയ്യായിരം കടക്കുമെന്ന് ഐ.എം.എ പ്രസിഡന്റ് ഡോ. എബ്രഹാം വര്‍ഗീസ്. ആളുകള്‍ക്കിടയില്‍ ജാഗ്രതക്കുറവ് ഉണ്ടെന്നും അതാണ് കൊവിഡ് കേസുകളുടെ എണ്ണം ഉയരാന്‍ കാരണമെന്നും അദ്ദേഹം പറഞ്ഞു. ഓണക്കാലത്ത് ജാഗ്രത മോശമായിരുന്നു. ഇത് വൈറസ് ബാധിതരുടെ എണ്ണം വര്‍ധിക്കാന്‍ കാരണമായി. ആളുകള്‍ സാമൂഹികഅകലം പാലിക്കുന്നില്ല. മാസ്‌ക് ധരിക്കാത്തവര്‍ക്കും അകലം പാലിക്കാത്തവര്‍ക്കുമെതിരേ കര്‍ശന നടപടി സ്വീകരിക്കണമെന്നും അദ്ദേഹം പറഞ്ഞു.